von mín er sú að þjóðin skilji að hún geti stjórnað sér saman og þurfi ekki á forsjá sjálfskipaðara leiðtoga að halda...(ja nema í stuttan tíma í einu og þá með verkefni, frá stórþingi)

að fólk almennt sjái að það þarf annað form og umræðugrundvöll fyrir skoðanaskipti... og að þessi umræðugrundvöllur "sé eldhúsið" og "baðstofan"... í sögu okkar, er heimilið og nágrenið, sé hópur þar sem allir þekki alla.

Hér er grunnform samfélagsins,... heimilið, hið stóra heimili erum við að tala um... alla ættina hér áður... nú máski ættingja og vini... Að hver og einn tilheyrir ákveðnum hópi fólks og það eru ættingjar og vinir. Í stærra samhengi vinnufélagar. Já ég veit að þetta er flókið. Þessi gamla fjölskylda er öll í brotabrotum og sundruð. En til eru þorp þar sem þessi gamli andi er enn við líði. Já hvernig sem þessir hópar eru stofnaðir, þá eru þeir hin nauðsynlega grunneining í samfélaginu. Án þessarar einingar erum við bara skuggar öll sömun. Og á meðan hleypur fram hver haninn á fætur öðrum í gegnum stjórnmálaflokkana. Mjög svo sjálfsupptekknir og nærsýnir.

Það er semsagt þessi littla eining... það er hægt að gera tilraun í þessu sambandi... skipta bara öllum uppí hópa með hjálp tölvu.. bara tilviljunarkennt yfir allt land og fá þannig fram hve margir mundu mæta á fundarboð. Þessir aðilar mundu svo vera saman í 6 vikur að ræða stjórnarskránna og stjórnunarformið og síðan að velja fulltrúa sinn á stórþingið er allir fulltrúarnir allra smáþingana koma saman og þá með einhverja tvo með sér frá frumþinginu sem halda eiga þessum eina við efnið..   semsagt eftir að stórþingið hefur svo komið saman öllum tillögum sínum fyrst í 13 deildum í 6 vikur og allir kynnst og rætt um stjórnkerfið er kosinn einn fulltrúi úr hverri deild á landsþjónaþing

og þeir klára setja saman hina nýju stjórnarskrá og leggja fyrir þjóðina og þingið

 

 

ÞJÓÐSTJÓRN MEÐ ÞÁTTTÖKU ALLRA SEM VETLINGI GETA VALDIÐ:..ÞJÓÐINNI... BYLTINGARRÁÐINU ... OKKUR SEM VILJUM NÝTT ÍSLAND!

Mikilvægt að sjá að þingið boði til stjórnlagaþings og samþykki það semsagt og fari svo frá ... og á meðan að hvorki er þjóðþing né stjórn að boðað verði til þjóðþings... allir myndi hundrað manna hópa og sendi einn fulltrúa á þjóðþingið. Og að það þjóðþing ræði saman í 3 vikur um hin nýju stjórnlög og síðan kýs stórþingið 9 til 13 manna stjórn... (jafnmarga og undirdeildir þingsins) já þjóna fólksins sem leggja fyrir þjóðina þessa álýktun og þá er kosið. Fái þessi nýja stjórnarskrá meira en 50% athvæða er þingið (hinur nýju fulltrúar í gamla þingforminu) að koma saman bara til að samþykkja hin nýju stjórnlög og síðan er kosið í þriðja sinn eftir þeim. Og þjóðin tekur nýja stefnu.

Og þar með erum við fyrsta þjóðin sem gert hefur löglega byltingu, að ég tel, í manna mynnum altént.

Við getum ennfremur ekki hætt að berja fyrr en það er í höfn (og máski hættum við aldrei að berja, ymist í gleði eða sorg á dollur og bömbur)

Svo lengi sem einn eða tveir eða þrír eru að berja, ja þá þarf eitthvað að lagfæra.

eitthvað sem þarf að ræða sjá og sinna

Mörgæsirnar

Hugsasér hvað mörgæsir eru ótrúlegar verur. Og háþróaðar félagslega. Og sterk samvinna milli kynjanna. Og mikil áhersla á barnauppeldið. Þarna hefur semsagt einhverntíman í árdaga verið einhver mörgæs að hugsa... hvernig getum við fundið stað þar sem enginn truflar okkur þegar við ungum út okkar barni... hm og svo leið og beið og einn góðan veðurdag var staður fundinn á suðurskautslandi... í mestu vetrarfrostonum... algjörleg brjáluðum veðrum var kjagað fleiri hundruð km leið inn í ísbreiðuna... Og svo er skiptst á við að passa eggin milli kynja 3 mánuði í senn. Og í mesta næðingnum er komin hefð á að skipta um að standa yst í þvögunni... svo þétt er staðið á ísnum að þær finna hita hver af annarri.  Og bara fastað í 3 til 4 mánuðu, sisvona. Allt svoleiðis með ólýkindum skipulagt út í æsar og svo harður af sér fugl og fallegur og spekingslegur. Ég er bara alveg rasandi... já glaður líka að fá að sjá þetta... Að við gætum svo margt lært af þeim. Í félagsþroska. Og Jöfnuði. Og þolinmæði og seiglu..

Þjóðstjórn - framboð til stjórnlagaþings!

 ÞJÓÐARSÁTTMÁLI um gott og heiðarlegt samráðs og stjórnarform á Íslandi.

Þjóðstjórn er ekki þjóðstjórn nema þjóðin stjórni landinu saman. Foringjar flokkana hafa ekki rétt til að nota það orð um 4 eða 5 manna stjórn  forustumanna flokkanna.

Vilji er til þess meðal allrar þjóðarinnar að endurskoða stjórnarformið á Ísland og sérílagi að tryggt sé að þeir efnameiri hafi ekki betri tök á að koma markmiðum sínum á framfæri en hinir sem safna minna að sér.

Stefnt er að beinu lýðræði með þátttöku allrar þjóðarinnar.
Og þar með raunverulegt jafnrétti og lýðréttindi þjóðarinnar tryggð til að passa landið og menninguna saman.

Fyrst mun fara fram þátttöku könnun. Allir sem lesa þetta eru beðnir að senda öllum vinum sínum "invitation" strax, boð um að taka þátt í þessari þátttökukönnun. Markmiðið er að koma þessari grúppu til allra þeirra 150.000 íslendinga, sem eru á facebook.(eða fleiri helst, með því að bjóða fleirum inná Facebook-vefinn) Við þurfum meirihluta allra Íslendinga á bakvið okkur til þess að þetta verði að veruleika... þ.e. með því að hvetja fólk til að koma inn á facebook og taka þátt í þessu þjóðarátaki og upplýsa alla um valmöguleikana, sem við höfum. Þannig náum við meirihluta þjóðarinnar með okkur, einfaldlega með sannleikanum.  Altént til allra sem vilja réttlátt og heilsteypt samfélag hér og það er öruggur meirihluti fyrir því. Og þar með er sigur Íslendinga í þessari sannkölluðu sjálfstæðisbaráttu fyrir nýju og betra Íslandi og endurbættri sjálfs-ímynd, í sjónmáli.

En þetta gerist bara ef hópboðin eru send áfram og að þeir sem sent er til eru beðnir að senda þetta áfram og þá fáum við nógu marga til þess að þessi könnun seigi okkur hvort við stöndum með pálmann í höndonum eða nógu þétt saman til að ná fram þeim skipulagsbreytingum, sem nauðsynlegar eru til að skapa traust og gott samfélag. Ég vil seigja að við verðum að ná því markmiði. Og að við verðum að vera sterk og ákveðinn, því hér er landið, þjóðin og menningin hennar í veði. Peningasiðleysið er í raun að ganga af þjóðríkjum dauðum fyrir alþjóðahyggju auðhringanna og græðgisvæðingarinnar. Þetta er allt eitt stórt plott auðmanna og spákaupmanna og þeirra sem hafa "vinnu" af því að ræna með slægð og harðfylgi í krafti peninga og eða einskærrar frekju.

Stefnt er að því að kalla þennar þjóðstjórnarhóp saman fljótlega eftir að hópurinn fer að stækka og skapa samráðshópa og vinnuhópa um endanlegt forn nýrrar stjórnarskrár landsins. Og já hugsanlega mannréttindayfirlýsingu... og þá dýraréttindayfirlýsing, hvað með hana og hversvegna ekki hugsa til plantna þá líka?

Og væntanlega bjóða fram í næstu þingkosningum. Og þá hugsanlega í samfloti við aðra hópa með svipuð markmið. Ef allt fer eins og best verður á kosið.

Við viljum bara heiðarlegt og gott samráð, meiri valddreifingu, réttlæti og jöfnuð.

Og ef við eigum ábyrgðina saman þá eigum við einnig valdið saman.

 ------------------------

Hvaða möguleika eigum við á að skapa stjórnkerfi sem hefur nær alla þjóðina með í ráðum?

Það er nú til dæmis hið nýja þjóðveldi sem ég hef rætt um hér á Facebook og  á www.tryggvigunnarhansen.blog.is

Hér er gengið í smiðju þjóðveldisaldar. Nokkuð sem Fjölnismenn á sáu einnig sem álitlegan valkost.

Hér er semsagt ekki ritað neitt helgirit um mannréttindi og enginn lögfræðitónn, en bara lýsing á stjórnsýslu og samráðgunarformi sem meirihluti þjóðarinnar þarf að taka þátt í ef þetta á að virka. Og þetta form hefur þann kost að auðsæld gefur ekki aukið vægi við ákvarðanatökur. Altént þarf ekki að gera það. Já við gerum ráð fyrir að mútur séu bannaðar.

 Þá er allt byggt upp á beinum samskiptum. Öllu kerfinu stokkað upp. Landsmönnum skipt upp í 100 -150 manna staðbundnar einingar
 (samanbr. hverfafélög og hreppsfélög og stórfjölskyldur, ættir og vinahópar),
hæfilega littlar til að allir geti kynnst og kosið síðan einn fulltrúa
(og 2 varafulltrúa með.. sem og halda fulltrúanum við efnið)
á landsþing sem haldið er á miðju sumri í 6 vikur í senn.
(á mismunandi stað ár hvert, tel ég mest spennandi og ákjósanlegt, til að jafna tengslum við landshluta og auk þess að sjá og njóta litbryggða og forma landsins og kynna landið fyrir þjóðinni og njóta þess saman) 
Það stórþing
(sem er um 2000 manns, sem er deilitalan, miðað við einn fulltrúa fyrir hverja 144 sem þá er deilt upp í 300.000 manns)
skiptir sér svo í 10 -15 deildir eða hæfilegar einingar til að allir geti kynnst eins og í grunnþingunum og fjallar þá hver hópur um hver sinn málaflokk.
(s.s. umhverfismál, utanríkismál og svo framv.)
Kjósa síðan í lok landsþings, eftir 6 vikur, þegar menn eru farnir að þekkja hver annan, innan hverrar þingdeildar einn fulltrúa, úr hverjum þinghóp, í framkvæmdarstjórn (landsþjóna, landsstjórn) til eins árs í senn.  Þar eru þá 10 - 15 manns með framkvæmd  þingsins, til eins árs í senn.

og þar er þá lýðræðið virkt og óhult fyrir þeim sem beita vilja þrýstingi fyrir veitta hjálp ogfé, allt slíkt er óþarfi..  Semsagt, með því að fólk kynnist á þessum stór-þingum, þá hafa menn getu og yfirsýn til að velja eftir sannfæringu sinni í málum. Þá erum við loks með LÝÐVELDI sem stendur undir nafni og óháð peningafólkinu... (sem þó hefur sína fulltrúa líka og tillögurétt)

Við getum kallað þetta form nýtt þjóðveldi,  þar sem það er að því leiti öðruvísi en gamla þjóðveldið að ekki er þörf á að festast í "embætti" með goða eða foringja í nýja þjóðveldinu og  fulltrúi því valinn árlega en ekki til lífstíðar einsog þá var. Semsagt lýðræðislegt þjóðveldi.

Þetta pólitíska afl mun svo hverfa að sjálfu sér þegar markmiðinu er náð. Þ.e. þjóðstjórn er kominn hér á.

Allar aðrar lýðræðisbætur sem menn ræða ganga út á - annarsvegar að hafa allt einsog það en þykjast tjasla einhverjum bótum í gegn einsog t.d. að efna til þjóðaratkvæðagreiðslu og með miklum áróðri og þarmeð auðveldri leið fyrir peningavaldið til áhrifa já og halda kannski samt í flokka, auk einstaklingskjörs, sem er í raun samt bara núll breyting... vegna þess að þá eru þeir sem eiga mikla peninga í betri stöðu til að kynna sig, sérílagi í svona einstaklingsframboðum.  Þá geta bílasalar boðið sig fram. Reynslan sýnir að svona einstaklingar geta stundum matað krókin á því að vera í lykilstöðu í stjórnarsamstarfi. Semsagt ekki mikil lýðræðisbót. En hljómar einsog mikill áfangi hjá Ómari Ragnars. Allar þessar aðferðir þurfa samt kynningarherferðir og þar með peninga til að virka og þá erum við á byrjunarpúnkti. Enginn breyting.
 

Auka-ánægjuvaki hér ef við veljum þjóðstjórnarformið, er svo þessi árlega stórkostlega þjóðhátið frá 21.júni og út júli, sem við þá fáum með þessu formi og allskonar menningartengdum þingum meðfram því stóra og kósí tehúsum og listatburðum og spennandi baðmenningu.

Það er stórhátíð og mikil reynsla og þroskandi fyrir alla. Væntanlega góður matur og miklar gönguferðir og dansar um nætur.
En að það þing er bara fyrir Íslendinga, tel ég heppilegast. Alþjóðleg þing er næsti vettvangur. Eitt annað þrep í samráðsferlinu. En Evrópuþing og heimsþing geta verið af svo mörgu tagi. En í stjórnmálalegu samhengi er ekki spennandi að vinna með stjórnvöldum sem nú ríkja í Evrópu og um allann heim, sem komist hafa að í krafti peningavaldsins. Öll slík stjórnvöld eru dæmd til að valda meiri skemdum á trausti og verðmætum og fólki og náttúru en hitt. Og því ekki álitlegt að hugsa til Evrópu fyrr en nýtt lýðræðisafl hefur rutt sér braut þar. Alvöru þjóðlýðræði.

Og smámsaman munu frumþingin, (hverfafélög og hreppsfélög og stórfjölskyldur) verða sjálfstæðari og nógu öflugar einingar til að taka við flestu því sem ríki og sveitarfélög hafa á sinni könnu nú. Og með afkomumöguleikum og sjálfstjórn um flest mál fyrir utan þau mál sem öllum koma við. Svo sem náttúruvernd og utanríkismál.

Var ég búinn að seigja..  að náttúrurlegir foringjahæfileikar nýtast best í svona hópstarfi. Það er mín reynsla.  En það eru þá líka margir foringjar og síbreytilegt hver tekur upp hvaða mál. En fólk sem situr í hring og þar sem allir sjá hver aðra, leitast ósjálfrátt við að sýna sínar bestu hliðar. Og hjálpast því að við að finna bestu lausnina. Og menn finna líka þegar hugur fylgir máli í svona beinu formi og allt verður einfaldara í formi. Minna lagt upp úr valdi en meira uppúr velvilja og almennri skynsemi og samráðshefðinni. Og samráðshefðina má þróa og gera skemmtilega. Með þessum fornu aðferðum, að elda saman og stunda leiki og böð og margskonar tegundir af samráðsformum. Stundum að tala um tilfinningar, stundum um markmið og leiðir, stundum um sögur og drauma og stundum þarf að fá samráð um ákvörðun mjög hratt og þar fram eftir götum. Öll þessi form til samráðs og ákvarðanatöku þarf að kanna og þjálfast í til að saráð verði spennandi, lærdómsrík og ánægjuleg. 

En í grunninn er bara verið að kynnast og velja úr valmöguleikum saman.

Og semsagt hér höfum við okkar eigin form til að komast að samkomulagi um öll mál. Við þurfum bara að lýsa því, samþykkja það og prófa það. Jafnvel að prófa það strax. Setja heila þjóð í félagsfræðiverkefni. Að skipta upp landsbúum og eða láta þá raða sér saman sjálfa uppí yfir 2000 hópa og ræða málin um hvernig stjórnarform menn vilja. þar næst að senda fulltrúa á stórþing í 6 vikur. Og þar eru stjórnlögin rædd og formuð áfram. Og þá að kjósa "landsþjóna" sem leggja fyrir þjóðina þingsályktunartillögu. Og þá er kosið aftur um stjörnlögin.
Þegar þau hafa samþykki meirhluta þjóðarinnar höfum við eignast Ísland aftur. Og með reisn. Öðruvísi verður það ekki gert með reisn.

(þetta setti ég inná facebook í grúpp... þangað hef ég bara sent invitation til þriggja aðila og spurt hvað þeim finnist... Ja ég er á því að þetta sé of langur texti fyrir grúppu sem ætlar sér að stækka verulega en samt finnst mér frekar erfitt að stytta þetta. Gæti þó reddað þessu með því að hafa link hingað á þetta plagg og stytt svo textan þarna á facebook verulega. Tillögu um hvað má helst falla út á grúppusíðunni á facebook, af þessum texta hér fyrir ofan, má gjarnan senda á mig, ef einhver gerist svo djarfur að lesa þetta. Einn góðan veðurdag.

Þá fer peningafólkið úr landi með alla peningana ef það fær ekki að ráða öllu...

já, gott og vel, þá bara fer það... en ekki er ég viss um að það fái að halda því illa fengna fé sem það hefur yfir að ráða. Það er í raun léttir samt að þeir sem ekki geta hugsaðsér neitt annað en ofríki yfir hinum, haldi sig þá bara fjarri öðrum þar til menn hafa vitkast alltént.

Við munum þá fá betri frið, við hin sem viljum jafnvægi og listir og sjálfþurftarbúskap að hluta eða öllu leiti. Það er svo óskaplega gaman að versla við fólk sem framleiðir sjálft sína list og varning. Þá ver að glitta aftur í þetta viðhorf að það er ekki sama hver prjónaði þessa peisu. Sérstök stemning og orka í handverkinu.  Peningar eru bara verkfæri til að einfalda samskipti. En ef peningar valda meiri vandræðum enn þeir leysa þá er ekki víst að þeir eigi framtíð. Vextir eru jú annað en skilt. Vextir valda stríðum og spennu og þörf á meiri framleiðslu og meiri samkeppni. Ég vil seigja að vextir eigi enga framtíð fyrir sér, því þeir skapa mun meira vandamál en þeir leysa. Ef þeir leysa þá nokkurn vanda yfir höfuð. En líf án vaxta þarf ekki að vera líf án peninga. Það er bara ekki verið að græða á þeim. Spenna fólk upp og pína áfram. Þá lána menn bara af því að þeir hafa trú á verkefninu. Eða gefa. Mér finnst verulega áhugavert að kanna hvernig það gengi, að fara út í vöruskipti aftur. Það eru til svona vöru og vinnuskiptabankar á netinu. En gamli markaðurinn er nú alltaf bestur og einfaldastur og mest raunveruleikatengdur.

Ímynd Íslands verður ekki reist við öðruvísi en að breyta svo rækilega um stjórnarhætti að peningafólkið hafi ekki undirtökin..

Heldur að allar skoðanir og allir hópar landsins deili ákvörðunarvaldinu á milli sín og verði þar með að hafa samráð um alla hluti. Og þetta form er til og það heitir NÝTT ÞJÓÐVELDI!  Form sem ekki er byggt upp á áróðri í höndum peningavaldins eða nokkurs annars valds. Heldur samræðu í hæfilega stórum samstarfshópum til þess að fólk geti kynnst og með hæfilega miklu félagslífi (matast saman og ganga til baðhúsa og stunda leiki) í hverjum hóp til þess að tryggt sé að þáttakendur í hverjum hóp kynnist án þess að áróðursaðferðir komi þar neitt nærri. Semsagt persónuleg kynni ráða vali til þings og framkvæmdarstjórnar (þ.e. framkvæmdarþjóna þingsins)

Ef við förum þessa leið (sem er líka sú alskemmtilegasta og einlægasta leiðin) þá erum við að seigja, VIÐ ÆTLUM ALDREI AÐ LÁTA PENINGAFÓLKIÐ ÆÐA ÁFRAM MEÐ OKKUR ÚT Í GÖNUR!

en ef við veljum að tjasla lítilsháttar í stjórnlöggjöfina og setja inn þjóðaratkvæðagreiðslur í stórum stíl, þá erum við ennþá á sama staðan. Ekkert hefur þá breyst. Þeir sem vilja ráða, selja (sannfæringu sína) sig þá fyrir kosnaðarþáttöku í kynningarkostnaði og þá er auðvelt að gaspra sig áfram, vinna með sérfræðinga og ímynd og p.r. sérfræðinga, án þess að meina nokkuð annað en baráttu fyrir bættum eigin hag. Ef menn ráða fjölmiðlum sem fram til þessa hefur mest verið í höndum sjálfstæðissölumanna, svo og ölllánafyrirgreiðsla, þá erum við að fara í sama farið og áður. Eða beinustu leið í hámarks ójafnvægi og eyðileggingu á Íslandi og Íslenskri menningu.

Og það viljum við ekki!

Lifi Íslenskt þjóðveldi

Lifi beint lýðræði frá grasrótinni

með þátttöku allrar þjóðarinnar í ákvörðunarferlinu!  Og valkerfi án þess að til þurfi að koma áróður. Og þar með svindl sem byggir á ójafnri aðstöðu til að hafa áhrhrif eftir fjárhagsaðstæðum. Hér er grundvöllurinn undir stefnubreytingu.

Og það þarf að þjálfa alla þjóðina til að taka þátt í uppbyggingu lýðræðishefðar sem við getum treyst að nýtir alla bestu eiginleika þjóðarinnar til að læra að fara gætilega að náttúrunni, undirstöðu lífs okkar allra sameiginlega.

Og hér er hin nýja ímynd þjóðarinnar. Ímynd sem hún min aldrei þurfa að skammast sín fyrir og efla mun aðrar þjóðir til betri stjórnarhátta.

Þjóðveldi, þjóðmenning og vistvænn sjálfsskilningur til framtíðar.  Þá erum við að vakna, þegar við sjáum heiðarlega og sanngjarna framtíðarsýn saman.

Hið Nýja Þjóðveldi...

Á að byggjast á öflugri þingmenningu með þátttöku allrar þjóðarinnar.

Nýjum lífsgildum!

Svosem, fullt tillit til náttúrunnar og allra liftegunda og því stefnt að stöðvun á aukningu, afnámi vaxta og stöðvun á fólksfjölda. Stöðvun á innflutningi á útlendingum að neinu marki. Til þess að fá jafnvægi á verðlag, þarf að stýra svo málum að öll aukning stöðvist. Að manneskjan læri að lifa lífinu í jafnvægi, svo að hið villta land sé áfram til staðar fyrir villtu dýrin og plönturnar. Því fyrr því betra sem við stöðvum útvíkkun mannsins hér sem og um allan heim. Aukinn fjöldi er ekki til bóta en aukin gæði er nóg pláss fyrir.

Skilningur á sögu mannsins frá því í árdaga fyrir og eftir að eldurinn var beislaður og hvernig sagan fyrir víkingatímann hér hefur verið loginn í burtu, tími álfanna, tíminn sem við meigum vera hreyknust af, því það er sá tími sem við vorum hvað mest og best vistvæn og félagslega og andlega og líkamlega mun heilsuhraustari. Þá vorum við sjálfbær og mjög listhneigð og skapandi menning. Á meðanað nú erum við lasin menning, hrædd og vonsvikin menning og bæld. Stórskuldug og svikin menning. Hálfyfirtekin eða í herkví af fáeinum valdsjúkum útlendingum og innlendra skoðanafélaga þeirra.

Og þar með þjóðlega sýn og heilsusamlega. Við höfum það verkefni að bæta fyrir álitshnekk bæði innra sém ytra og við setjum merkið hátt. Við viljum gott samfélag, með fjölbreyttu samstarfi og þáttöku allra sem vetlingi geta valdið. 

Og auðvitað alþjóðlegt samráð og hyggjuvit.

Sérstaklega í sambandi við kynningu á vistvænsku og jafnvægisbúskap annarsvegar og góðu lýðræði hinsvegar.

Og að vera má að við ættum að leggjast gegn þessari miðstýringu á kynningarefni og áróðri. Að stefna að því að leggja niður alla fjölmiðla nema heimilistölvuna um sinn. Til að gefa fólki jafnari möguleika á að flytja fregnir og hugmyndir sem eru til góðs þó að það sé enginn einstaklingur sem græði á þeim. Og þetta gróðavandamál er einmitt höfuðvandamál. Því þarf að gefa öðrum þáttum ekki minna vægi en sjálfsbjargarhvötinni. Það verður ekki gert öðruvísi en að hleypa öðrum sjónarmiðum að í umræðuna. Opna fyrir möguleikann á að þeir sem tala með hjartanu verði heyrðir. Þetta fólk er ekki vant að berjst til að geta tjáð skoðanir sýnar. Þessvegna þarf virkilega öguð og opin þingmenning að þróast hér. Og þó við státum af mörgu færu fólki í að tjá sig, þá er tölvert í land að þjóðin hafi á valdi sínu að hafa ánægjulegar og skemmtilegar og uppbyggjandi samræður... ja nema örfáir og fæstir mjög sýnilegir. Það er list að hlusta og list að tjá. En sterkust er hjartatjáninginn. Þá þarf ekki blað og pr vangaveltur er menn og konur tala frá hjartanu. Og allir taka eftir því sem þannig er mælt... með allri verunni og í heilindum.

Hvað eiga menn þá að gera?

það er ræktun og söfnun, listir, náttúrufræðirannsóknir og tjáning og auðvitað þingstörf bæði heima og í tengslum við stórþingið, lækningar og hjálparstarf... böð og matreiðsla og heilsurækt og barnaumönnun og uppeldi. Þetta er nú þónokkuð. Og ferðamannaþjónusta bætist kannski þar ofaná. Fiskveiðar og skógrækt þar fyrir utan. Hér er verið að leita að einföldustu og heilsusamlegustu leiðanna. Það sem skapar jafnvægi milli allra þátta og hamingju til framtíðar.

Hér er nú og framtíðarsýn fyrir þessa þjóð. Og vonandi allt mannkyn og lífið á jörðinni.

---------------

Mér hefur funndist stóraukast vitleysisgangur stjórnvalda á síðustu áratugum og loks varð það augljóst hve illa er stjórnað og af ótrúlegu hyggjuleysi. Og frekju og skammsýni. En nú er mál að linni. Ef við vöknum ekki nú tapast allt sem íslenskt er. Bæði þjóð og tunga og allur arfur kynslóðanna gloprast í svaðið. Þessara svokölluðu heimsmenningar, en sem er í raun heimsómenning. Heimssjúkdómurinn auðhyggja..  sjúkdómur græðgi og fyrirhyggjuleysis.

Látum os hvíla í hugsuninni um jafnvæði og sjálfbærni og samráðsþing. Opnum huga í brjósti í þá átt. Og njótum þeirrar sýnar. Því þangað erum við að fara. Og þó ferðin sé löng, þá vitum við hvert við erum að fara. Það er okkur viti og vísdómsljós. Leið frá sjálfsforræðismissi, vantrausti og vanvirðu til raunverulegs sjálfstæðis, samráðs, trausts og sjálfsvirðingar.

 Og ég er alveg á móti þessu orði flísbylting... það er gerfiefni og tilfinningin er einmitt að margir vilji gerfilausnir... ég vil hinsvegar ekta lausnir og þessvegna á ullarbyltingin betur við listbylting, þingbylting, græn bylting, bylting frá maga og haus yfir í byltingu hins vísa hjarta.

Nýtt Þjóðveldi ! : fyrsta raunverulega beina lýðræði í meira en 1000 ár!

þessi leið er spennandi og svo nálægt okkur, alveg ofaní rótina og til álfanna... og þetta er það sem allir hafa verið að tala um um alla jörð, almennilegt lýðræði, raunverulegt lýðræði í fleiri hundruð ár. 

Þessi leið skapar okkur þar að auki, almennilega þjóðhátíð og samráðspott (stórþingið) Og spennandi að hafa það á nýjum og nýjum stað, en alltaf nálægt einhverjum náttúrulegum böðum... þá venjast menn við tjaldbúðarlíf og að leggja áherslu á einfaldleika og hagsýni. Minkar einnig líkur á hagsmunapoti í kringum þingstaðinn ef hann er úti náttúrunni og á hverju ári á nýjum stað. Þarna munu þá létt veitingatjöld og smábissniss blómstra. Og 10-20 þús manns eða fleiri mæta þar á ári hverju. 

Þetta mun og hafa áhrif á alla heimsbyggðina þvínær samstundis og fjöldi erlendra gesta verða næstum of mikill. Heimurinn horfir á í undrun. Munu Íslendingar verða fyrirmynd annarra þjóða í lýðræðis og mannúðar og umhverfismálum. Ja það mun hafa áhrif og verða vísir að og fyrsti raunverulegi valkosturinn við auðmagns og frekjuvald á þessari jörð í þúsund ár. 

Þetta snýst um að verja Ísland fyrir alþjóðlegri yfirgangsstefnu sem kennd er við úlfa og gull. Sú stefna hefur það að markmiði að kaupa allt upp og gera heiminn landamæralausan. Þurka út öll lönd og þar með allar menningar og láta kókakóla verða æðstu menningar"verðmæti" á jörðinni í óendanlegri flatneskju og frekjugangi. Þessvegna er það landráð og þjóðarmorð að láta peningafólkið stýra för. Það selur landið til þess að fá aðganga að alþjóðamafíuklúbbunum.

Sumsé... kæru Íslendingar nær og fær, snúm bökum saman og verjumst þessum ófögnuði lygagræðginnar.  Stefnum á frjálsa þjóð og sameinum þjóðina undir merkjum vistvæns jafnræðis.

jú... 3. í byltingu..

Ég kann best við mig meðal "mússíkalskra" mótmælenda... rithminn var heillegri við þinghúsið en hjá þjóðleikhúsinu fannst mér.  Ég er svona að gera mig klárann í að rölta útí næðinginn. Mér finnst bara ljóst að "sjálfskipaðir byltingaleiðtogar þurfi að vera með það alveg á hreinu að við erum ekki með neitt lýðræði fyrr en við höfum búið svo um hnútana að gróðaspegulantar hafa ekki nein undirtök í ákvarðanatökum og það gerum við ekki öðruvísi en með grunnforminu sem ég hef bisast við að lýsa hér og kallað nýtt þjóðveldi. Semsagt fólk sem kynnist í hæfilegum stærðum og tímalengd saman til að þekkjast og svo val á fulltrúa. Þar á ofan getum við hnýtt við þetta hugsanlega tölvukeyrðum þjóðaratkvæðagreiðslum til að koma fulltrúum frá til dæmis, hugmyndum einsog Jón Þór er með (http://jonthorolafsson.blog.is/blog) En grunnurinn þarf að vera algerlega laus við þörf á áróðri og tengjast öllum landsbúum. Annars fer allt í sama farið.

Og bráðabyrgðastjórn er einmitt tilvalinn vettvangur til að æfa þetta form, þetta nýja þjóðveldi. Að skipa öllum landsbúum í lýðræðiseiningar. Frumþorp og hverfafélög. Og að allir sem vettlingi geta valdið, séu með í þessu.  Slík Bráðbyrgðarstjórn er þá með alla þjóðina á bakviðsig og hóparnir senda fulltrúa sína með hugmyndir að lausnum á stórþing sem vinnur úr þeim hugmyndum tillögur sem framhvæmdarstjórnin hryndir í framkvæmnd. Þá erum viðmeð þjóð sem stjórnar sínum málum í sameiningu. Og þá erum við með samábyrgð. Fólk fer eftir því sem það hefurákveðið saman. Og þarafleiðandi verða mun færri ágreiningsmál.

 

um nauðsyn þess að "byltingaráðið" skilgreini fyrir sér hvað á að koma í staðinn.. hafi á verkefnalista uppbyggingu þjóðþings

sem allir landsbúar sem vilja vera með í uppbyggingu þjóðveldis geta tekið þátt í!

Semsagt að forma nýtt þing sem er til að byrjameð ALLIR SEM VILJA TAKA ÞÁTT og í gegnum netið. Að smámsaman verði byggt upp umræðuhópaþing í beinni og stjórnarformið sé til umræðu!

Þessi hópur kallast byltingaþingið... þar eru allir sem hafa áhuga, tíma og vilja til að styðja við endursköpun stjórnunarhátta... 

 að þessir upphaflegu byltingaþingmenn og konur beitisér fyrir því

að rannsaka hvaða form stjórnunar virkar án þess að auglýsingar og peningar þurfi að komi þar til sögunnar

Að fá alla  t.d. með inná hugmyndina um 100-150 manna (144) hverfahópar og heimabyggðir útá landi formi frumþing sem senda fulltrúa á aðalþingið. (kannski marga í byrjun sem þó hafa aðeins eitt athvæði saman. Að þar séu rúmlega 2000 fulltrúar allra landsmanna að þinga í 12-13 deildum sem skipta með sér verkum.

Og markmiðið er að semja viðmiðunarreglurum hvernig stjórna má landinu án þess að peningavaldið eða auglýsingafólk fái meira vægi í vali til ábyrgðarstarfa fyrir hópinn.

og hugsanlega starfar þingið í tvemur deildum altént í þessu millibilsástandi, á meðan að fólkið í landinu er að skapa og venja sig við að allir taki þátt í staðbundnum grunnþingum. Og þessi þing eru því fólkið sem skapar þingið upprunalega, byltingarþingið sem allir eru í sem vetlingi geta valdið má seigja... þeir sem vilja taka þátt og svo hinsvegar fulltrúaþingið sem verður um og yfir 2000 manns fyrir landið allt þegar það er fullskipað. Þegar fulltrúaþingið er fullskipað er spurning hvort byltingarráðið sé leyst upp og þá taki fulltrúaþingið alveg við stjórn landsins. Eða hvort byltingarstjónarformið fær að lifa lengur sem angi af nýsköpunarferli sem stöðugt sé í gangi. Það þurfa menn að sjá þegar þar að kemur.

Og þá er þjóðveldið best tryggt fyrir slíkum hættum með því þingin starfi í hæfilega stórum hópum svo að allir geti kynnst og séð hver annan samtímis, þ.e. setið eða staðið í hring og borðað í hring og baðað sig saman einsog fjölskylda og rætt málin við mismunandi aðstæður og haldið umræður þar sem allir geta tjáð sig og komist að sameiginlegum niðurstöðum (consensus) með samkomulagi. Og með því að hver og einn einstaklingur í þessum 13 samskiptahópum á þinginu heldur sér við sinn hóp, þá kynnist fólk á nokkrum vikum og þegar að vali kemur þá þarf engann áróður til þess að þáttakendur geti myndað sér skoðun á hvern vilja velja, þá hafa menn getu til að velja sér fulltrúa til þings eða stjórnar án nokkurs sérstaks áróðurs og því án sérstaks kostnaðar og því hverfandi líkur á nokkrum hagsmunatengslum við fjármagnseigengur með sérhagsmuni og "aðstoð til sölu". 

Spurningin er semsagt hvernig við getum tekið ákvarðanir saman á lyðræðislegan hátt. Og það þarf að skoða hvað form við getum notað til þess að jafnræðis sé gætt milli allra sem hagsmuni hafa saman. Og fá þannig jafndreyfðan hóp allra hagsmunaaðila.

En ég mundi vilja sjá þetta þróast í þessa áttina sem ég hef lýst frekar en tildæmis að láta einhvern ráða því að bara Stengrímur fari inní stjórnina... og kalla það þjóðstjórn, því þá er einsog flokkarnir og flokksforustuliðið sé að slá um sig skjaldborg gegn landsmönnum... sérílagi þeim landsmönnum sem vilja breytt lög og viðmið í sambandi við hvernig landinu er stjórnað.

Það er hugsanlegt að við lendum í "stríði" við þetta hagsmunaveldi formanna flokkana...

þá þurfum við að fara í alsherjarverkfall... stoppa allt kerfið

en betra væri að formenn flokkanna vöknuðu og hjálpuðu þjóðinni í þessu verkefni... velji að starfa með "byltingarráðinu"...

"byltingarráðið gæti og farið framm á fulltrúa úr verkalýðshreyfinum og fulltrúa bæjar og sveitarstjórna til þess að fá meiri valddreifinu í þessa þjóðstjórn en sjá þá stjórn strax bara sem eitt "unit" í ákvörðunarferlinu... af þremur... semsé, "gamla liðið" sem nú hefur völd og svo "byltingarráðið" sem er fólkið sem nú er að bjarga þjóðinni og vekja fólk... mótmælendur og svo þjóðveldisformið sem við erum nú með "á teikniborðinu"  

hm..

hafa menn yfirsýn yfir þetta?