fólkið sem stendur að baki þessu lydveldisbyltingin.is er eitthvað ansi einkennilegt, það virðist vilja bara áframhaldandi yfirgang auðmanna...

lydveldisbyltingin.is  er fólk sem vill áframhaldandi yfirgangi frekuræðisins... þarna á þessum vef þeirra er enginn umræða, allt sem ég skrifaði var þurkað út samdægurs eftir að ég setti það inn og ekki einu orði svarað hvað ég hafði fram að færa... hjá þeim er enginn áhugi á réttlátara stjórnkerfi...  jæja hér kemur þessi texti bæði frá þessum bílasala Agli og svo minn texti á eftir... berið saman.  Og ljóst er að hér er enginn bylting, þau vilja bara að auðmenn og bílasalar haldi völdum. Haldi áfram í krafti sjálfstæðissöluflokksins og já máski einstaklingsframboðs bílasalans sjálfs og í krafti peninga sem sjálfstæðisöluflokkurinn hefur að þeim gaukað og lánafyrirgreiðslu, að selja landið áfram til erlendra auðmanna og skuldsetja þjóðina... Enda einsog ég bendi á í textanum hér undir þessu lýðræðisbulli að þá er enginn breyting á þó þetta tjasl þeirra kæmist í gegnum þingið og yrði lögfest. Því áfram væri landinu stýrt af örfáum (innanvið 0,03%) og áfram væri þetta fólk valið í krafti peninga og áróðurs og lýgi, því hvort sem við erum að tala um einstaklingsframboð þingmanna eða einstaklingsframboð forseta þingsins eða forsetisráðherra þá eru slík framboð byggð á áróðri fjölmiðla og auglýsingastarfsemi og því sama og við höfum nú, auðvaldið og peningamenn eiga semsagt besta möguleikann sem fyrr að ljúga sig áfram með stöðugum endurtekningum á sínum lygavaðli og blekkingarvef.  Framtíð þjóðarinnar í höndum slíkra kvislinga er örugglega enginn. Þeirra stefna er að eyðileggja land og þjóð. Selja allt í hendur útlendra auðhringa og leggja niður þjóðríkið og túnguna. Breyta íslandi í verksmiðjusvæði með erlendu vinnuafli einsog þegar hefur komið í ljós. Slíkt fólk hefur engar hugsjónir. Vill bara meira of völdum fyrir sig og sína. Semsagt landráðapakk og glæpalýður. ---------------------------------------------------------------------------------------------------------------------------
 Lýðveldisbylting

Tillögur að breytingum.

Margvíslegar breytingar þarf að gera til að ná fyrrgreindu markmiði og vefurinn er tækið til að grasrótin geti unnið saman að því að móta þær. Breytingarnar gætu m.a. verið að;

* [[aukið vægi persónukjörs|auka vægi persónukjörs í kosningum]] og leitast þannig við að draga úr flokksræði
* gera breytingar á þeirri reglu að [[5% reglan|lágmark 5%]] þurfi til að fá mann kjörinn á þing
* gera breytingar á [[lög um styrki til stjórnmálaflokka|lögum um styrki til stjórnmálaflokka]] sem í dag renna að mestu ef ekki öllu leiti til núverandi flokka
* gera breytingar á [[fjöldi þingmanna|fjölda þingmanna]] til fækkunar
* gera breytingar til að [[styrking fastanefnda þingsins|styrkja fastanefndir þingsins]] t.d. með tilfærslu fjármagns frá framkvæmdavaldinu og breyta skipulagi þeirra
* [[leggja niður aðstoðarmenn þingmanna]] og færa fjármagnið til að styrkja þingnefndir
* gera [[laun og eftirlaun|breytingar á fyrirkomulagi launakjara þingmanna og eftirlaunum þeirra]]
* að ráðnir séu sérfræðingar á tilteknu sviði í embætti ráðuneytisstjóra sem og ráðherra. Ráðherra getur ekki setið sem þingmaður á sama tíma.
* Hámarks tími á þingi í beit séu 8 ár. Þingmaður getur boðið fram aftur eftir hvíld í eitt kjörtímabil.
* Tryggt sé að ákveðinn hluti kjósenda geti kallað fram þjóðaratkvæði um hvaða mál sem er.
** Þróað yrði kosningakerfi sem nýtir netið auk annara leiða til að gera slíkar atkvæðagreiðslur bæði einfaldar og þægilegar



Grasrót Lýðveldisbyltingarinnar (Egill bílasali)
------------------------------------------------------------------------------------------------------------------------
Hér byrja ég með minn texta:

Nýtt Þjóðveldi!

innlegg frá Tryggva Gunnar Hansen

Beint lýðræði, þjóðstjórn, (skrílræði...orð sem lýsir viðhorfi kúgarana og frekjanna, þeirra sem hafa lagt allt í rúst með sinni óseðjandi græðgi, til þessara hugmynda og jafnræðis yfir höfuð), þjóðræði, þjóðráð, borgararáð, þingræði, sáttmáli um samráð allrar þjóðarinnar.

Hvernig fáum við beint lýðræði og sattmála um samráð allrar þjóðarinnar til að virka?

Ég hef verið að forma hugmynd að nýrri stjórnunaraðferð og er sú hugmynd þó mjög undir áhrifum að stjórnunarformi íslendinga á Þjóðveldisöld. Ég kalla það form því Nýtt Þjóðveldi á Íslandi. Hugmyndin er í sem skemmstu máli á þá leið að í stað þess að landinu sé stjórnað af undir 0,03% íbúa (sé miðað við að um 100 manns stjórni landinu nú.. sem er vel áætlað, því stundum virðist það vera bara einn eða tveir... einn og hálfur, forsetis og utanríkisráðherrar), þá er öllum íslendingum falin stjórnin í anda við orðin lýðræði og þjóðstjórn og þjóðveldi. Þá er öllum landsbúum skipt niður í svo littla hópa að hver hópur sé ekki stærri en svo að allir getir kynnst og þekst. Mín reynsla er að fjöldinn geti ekki verið mikið yfir 100, ja max 150. Ef hópurinn er á leið uppí 200, þá missi ég áttir, hætti að muna hver er hver. Ég hef því valið að halda mig við tölu á milli 100 og 150. Og valdi af þvínær handahófi töluna frægu 144. (12x12) Sé tölunni 144 deilt uppí fjölda íslendinga (eða bara 300.000 t.d.) þá fáum við um 2000 frumþing eða heimaþing. Þessi hverfis eða smáþing hittast og ráða saman ráðum sínum (altént þeir sem vilja) og velja síðan einn fulltrúa á landsþing árlega. Það landþing er haldið útí náttúrunni, stundum á þingvöllum, stundum á Ströndum (til þess að ekki verði til miðstýring út frá ákveðnu svæði) og koma saman 21 júní hvert ár og þinga í 6 vikur. Stórþinginu er skipt upp í 12 deildir (einsog nefndir Alþingis í dag) Það er Náttúruverndarráð, Utanríkis og svo framvegis. Hver þessara undirdeilda fjalla um mismunandi málahóp og stefnu og markmið og regluverk. Þá er hver hópur vel undir 200 og getur og skipt með sér verkum. Hver hópur kynnist þá í þessu samstarfi. Í 5. viku er svo kosinn fulltrúi nefndarinnar til landsstjónar (eða landsþjónar er meira viðeigandi, því þeirra verksvið er að haga verkum sínum í samræmi við vilja Stórþingsins og þjóðarinnar) Allar 12 undirdeildir kjósa fulltrúa í hóp landsþjóna, til eins árs í senn tæplega eða þar til þingið kemur saman aftur. Þá eru þeir tólf. Það er jöfn tala svo að í síðustu þingviku er kosinn einn fulltrúi til viðbótar af öllu þinginu. Það er sá 13. og kallast Lögsögumaður. Sá á að þekkja öll lög landsmanna og kunna að seigja þau fram. En lög skulu ekki vera í heild fleiri en svo að einn maður geti auðveldlega munað þau. Og ef þeim tekur að fjölga umfram það, þarf að fella út önnur eldri lög.

Já hér er formið. Og vegna þess að öll þessi þing eru ekki stærri en svo að allir geta hitst á sama tíma. Og þar með kynnst. Þá er enginn þörf á neinum kosninga áróðri. Menn kjósa þann sem þeir hafa mesta trú á af persónulegri reynslu.

Þessi tilhögun virðist mér gera öllum jafn hátt undir höfði. Á meðan að þetta form sem við höfum nú byggir á fáeinum framboðum og kynningarherferðum og áróðri sem kostar peninga og því helst þeir sem hafa aðgang að peningum og auðmönnum (kosningasjóðirnir og leynilegir stuðningsmenn og leynd loforð og allt það) Og jafnvel, þrátt fyrir breytingar þær sem hér eru settar framm að ofan til bóta. Þá er í raun enginn teljandi breyting á því að kjósa forsetisráðherra eða þingforseta beint, því einnig það kostar peninga og áróðursvélin fer þá í gang og peningamenn því með pálmann í höndum sér sem fyrr. Sama á við um persónuframboð. Þar þarf stuðning peningafólks til að kynna þjóðinni þessa persónu. Og allt þetta gamla flokks og fulltrúakerfi er í raun byggt þá af örfáum og fyrir örfáa rétt einsog við súpum seiðið af nú. En þjóðræðið er tengt hverjum einasta landsmanni. Því allir eru tengdir. En enginn að vísu neyddur til að koma á fund í heimaþinginu. Stundum koma nær allir, stundum færri, en það fer eftir áhuga hvers og eins og á hverjum tíma. En allir geta haft áhrif þegar þeir vilja

Sama vandamál er með tölvukeyrðar kosningar og lýðræði sem trufla má með áróðri og peningasjónarmiðum. Að tölvukeyrðar kosningar mjá mjög auðveldlega "hafa áhrif á" í krafti peninga og fyrir hagsmuni peningasjónarmiða. Sem er augljóslega vandinn sem við stöndum frammi fyrir núna.

Þá er ég og mjög á varðbergi gagnvart "sérfræðingum". Þeirra viðhorf virðast geta hvarflað ansi mikið í krafti peninga. Það sér maður á háskólanum í dag, hvernig atvinnuvegirnir og peningafólk hefur bæði hótað og mútað "vísindamönnum" þessum með sérþekkingu sem oft kemur frá hugmyndaheimi þeirra sem trúa og styðja yfirdrottnun og yfirlæti. Allar þessar fraskenndu patentlausnir og forræðishugmynda ber okkur að varast í hæsta máta einfaldlega vegna reynslunnar. Að öll þessi form hafa verið auðveldlega misnotuð af fáeinum á kosnað fjöldans.

Stórþingið, Alþingi Íslendinga á að stjórna í umboði allrar þjóðarinnar og fyrir alla þjóðina! ekki fyrir ríkisstjórnina! ekki fyrir flokkinn og eða útvalda einstaklinga innan flokksins! ekki fyrir peningamenn, innlendra eða útlendra með fjármagn til mútugjafa

heldur í anda réttlætis, siðferðis og jafnréttis fyrir alla þjóðina og landið, náttúruna og með þá sýn að framtíðarkynslóðir hafi hér við einhverju að taka.

Við þurfum að ná stjórn á atburðarásinni svo að ekki sökkvi þjóðarskútan og sérhagsmunafólk leggi hér allt í rúst!

Við þurfum almennilegt stjórnkerfi. Almennilegt lýðræði. Þjóðstjórn. Já fullveldið fer þá úr nær einsmannshendi yfir til allrar þjóðarinnar. Alls lýðsins. Almennings. Okkar allra. Það er merking orðsins lýðræði. Hvað með að gera drauminn að veruleika en ekki að gleyma sér í þeirri hugmynd að einhverjir aðrir geti bara verið atvinnumenn í þessu. Eða sérfæðingarnir leyst okkur undan þessari ábyrgð íbúanna í landinu. Og átta okkur á að ekkert lýðræði er til nema við tökum öll þátt í því. Frumur líkamans eru allar tengdar heila og hjarta. Ef svo væri ekki væri talað um lömun eða holdsveiki. Ef sumar frumur vinna gegn hagsmunum líkamans heita þær krabbameinsfrumur og eru fjarlægðar. Semsagt, lifandi, raunverulegt lýðræði þýðir þáttaka allra í stjórnkerfinu, í ákvarðanatökum og í þeirr samábyrgð sem því fylgir að vera manneskja sem þarf að taka tillit til annarra vera, bæði fólks og dýra og alls lífs. Þessvegna er lifandi lýðræði þáttaka allra.

Af framansögðu tel ég að við ættum að byggja upp breiðfylkingu um nýtt þjóðveldi og það gætum við kallað þjóðveldishreyfingin. Þjóðveldishreyfingin býður þá fram til Alþingiskosninga og stefnir að því að fá meirihluta og breyta stjórnarskránni þar sem þjóðveldisformið er innleitt og síðan er kosið aftur og stórnarskráin samþykt og öllu breytt þá eftir henni og Stórþing haldið sumarið eftir þá kosningu.

En til þess að æfa þetta nýja þjóðveldis-fyrirkomulag. Þá mun (tel ég best) þessi þjóðveldishreyfing skipuleggja sig í vinnuhópum (helst með þáttöku allrar þjóðarinnar) og vinna þessa nýju stjórnarskrá saman og í anda við hið verðandi þjóðþing.

Ég hef í þessu sambandi sett upp grúppu á Facebook sem heytir "Undirbúningshópur um nýja stjórnarskrá Íslands". Þar hafa skráð sig á nokkrum dögum á 300 hundrað manns. Fyrsti fundur þeirrar grúppu er í kvöld (15jan.09) kl 20 á Kaffi Hljómalind í salnum á bakvið bókaherbergið. Þetta er undirbúningsfundur undir formlegan stofnfund sem auglýstur verður síðar. Og allir velkomnir þangað að sjálfsögðu.

15.janúar09 Tryggvi Gunnar Hansen