Ég hef littla von í brjóst... agnarsmáan neista sem bærist með andardrættinum..

Að við vöknum saman. Sjáum hvert annað sem manneskjur með tilfinningar og þokka og góðann vilja til að skapa manneskjulegt samfélag. Sem ekki er byggt á hugmyndum sem þegar hafa bilað. Gróðavonum og frekjugangi. Heldur einlægum vilja til að styðja við allar vel meinandi hugmyndir. Almennar umræður og opnar samræður milli þeirra sem nú eru í ábyrgðarstöðum og hinna sem eru vinnandi eða atvinnulausir.  Nú er allt í upplausn og enginn treystir neinum virðist mér. Allt hefur verið dregið niður í svaðið. Hvergi grillir í leiðandi afl, sem hefur traust. Og hvað kemur út úr slíku? Jú þá er haldið áfram í sama farinu. Ja vera má að VG sé helsta von þeirra sem sjá glitta í eitthvað skárra. En þrá eftir algjörri umbreytingu og burt frá þessari forsjárhyggju þar sem örfáir stjórna öllu kallar á meiri róttækni. Og því virðist mér að það sé almenn umræða og svo endurnýjun stjórnarskrárinnar og samstarfshópar um vistvænan sjálfbæran lífsstíl sem geti gefið okkur hið nýja Ísland.