Hvað er reiði?

Er reiði einhver sjúkdómur? Taugaveiklunareinkenni? Eða hvað er þá í gangi þegar rætt er um réttláta reiði t.d.?

Ég hef oft skilgreint reiði sem SKILYRÐISLAUS KRAFA UM BREYTINGAR TIL BATNAÐAR !

og slíkt ástand skapast þá og því aðeins að gengið sé gjörsamlega framm af fólki, margsinnis og síendurtekið 

Sé litið þannig á altént þessa réttlátu reiði svokölluðu, þá er reiði ekki slæm sem slík.

Nú hinsvegar er ljóst að sá eða þau eða þeir sem reiði beinist að eru kannski ekki svo hrifin af þessu fyrirbæri. Björn nokkur vill tildæmis hafa her manns til að úða og berja á fólki sem er reitt við hann og félaga hans. Það er auðvitað ansi léleg lausn á því málinu. Og verri en enginn því þá breytist reiðin í hatur og dýpkar enn og bólgnar upp og dreyfist en víðar. Og veldur ómælanlegum vandamálum. En aðrir vilja sjá reiði sem geðveiki og tala um ofsóknarbrjálæinga og vilja gefa við þessu dóp sem sagt að vinna eigi á ránghugmyndum. Þessar báðar aðferðir eru algengustu lausnirnar sem boðið er uppá af þessu rugl liði sem situr við austurvöll og í stjórnarráði. Því seigi ég, er það nema von að reiðin kraumi í fólki og að reiðin magnist og dýpki og leiði jafnvel til skemmda á mannvirkjum og líkamsmeiðinga. Ja ekki undrar mig.

En sé á reiðina hlustað og gerð bragarbót, þá breytist hún í aðra tilfinningu. Máski gleði eða feiginleika eða jafnvel hamingju.

Það hefur líklega engum dottið í hug í þessu dauðiflapakkhúsi við austurvöll að hlusta á neitt af því sem fólk er reitt yfir. Þar er mesta málið að geta dottað á þingfundum á meðan beðið er eftir að dagurinn drollist í gegn og launin sitrist inn. Jú þetta er jú atvinnumenn sem sofa af atvinnumannslegum krafti svefni hinna ránglátu.

En reiðin er ekkert á förum. Hún er að magnast og dýpka og verða sótsvört og eldrauð og mjallahvít. Hún lýsir upp himinn og jörð þessi magnaða reiði. Væntanlega vill hún losa sig við þá sem sofa, geispa og eru ránglátir og mútuþægir.  Ja ég get ekki betur séð en þetta þing hafi gjörsamlega brugðist þjóðinni. Þetta er ónýtt lýðræði og ónýtir fulltrúar og ekki vottur af trausti í gangi enda blasa svikin við hvert sem litið er.

En undir þessari reiði eru verulegar áhyggjur. Áhyggja þessi og umhyggja vill verulegar breytingar.  Vill tildæmis annað fólk í ábyrgðarstöður. Vill geta komið ráðalausu fólki og svikaliði frá og fá opna umræðu í gang. Ekkert að þessu er hægt því að þíngið og stjórnin er í raun einn ormagarður af hagsmunapoturum. Hagsmunina sína en ekki þjóðarinnar sem heild. Þetta fólk er búið að búa svo um hnútana að ekki er hægt að hagga við neinu. Það getur setið þarna án þess að þjóðin geti nokkuð skipt sér að því hvað er gert fyrir hennar hönd.  Það eru búin til lög eftir lög sem vernda þetta pakk fyrir þjóðinni og "óþarfa" afskiptum fólksins í landinu. Og ekki bólar á skilningsglætu hjá þeim sem lagt hafa þjóðarbúið í rúst. Ekki vottar fyrir áhuga á lýðræði. Orðið lýðræði er því búið að fá merkinguna lygræði. Sem er jú fasismi. Kúgun. Og þunginn eykst og drunginn og heimskan eflist dag frá degi. Ég skil vel að mörgum langi til að rassskella bara alla sem þarna felasig á bakvið gluggatjöld. Hér er vísir að sprotafyrirtæki sem skapað gæti gjaldeyri. Rassskellingaþjónustan. Skársta atriðið í skaupinu.  Og ekki bara útrásaskrattakolla. Allt liðið vel og lengi og fastar og fastar. Í von um að það rumski úr algjöru móki.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.